_ يابه .. مرحبا متحمس احجيلكم عن اللي سويته ..
مع ضغط العمل ومنا دراسة بس كدرت اطلع وقت اقرأ بيه كتب خارج المنهج وجان هدفي انو اقرا فد 15 كتاب ذات محتوى يغير من افكاري وقناعاتي اتجاه الحياة واكتب ملخص عن اللي قريته خلال ايام التحدي .
_ فبعد عشرين يوم من التحدي كدرت احقق معدل قراءة تلث ساعات ونص بعد ما كانت القراءة بالمدونة السابقة من ساعة الى ساعة ونص .
_ من بداية التحدي اعتمدت ع المكاتب كمصدر لجمع الكتب بالاضافة الى موقع بحث كَوكَل وسرجت ع الويكيبديا وطلعت بحصيلة كتب وادواتي كانت الورقة والقلم فألخص من الكتب وانقل هاي الافكار ع الورق .
_مع ضغط الدراسة والجو العام اللي ما يخلى من التخبط والارتباك .. نعم راضي عن الجهد اللي بذلته وبالتاكيد راح اسعى انو يتضاعف جهدي ع المستقبل.
_ تعلمت هواي شغلات واهم شغلة تعلمتها واللي احسها كانت طفرة ونقلة نوعية من الحاضر الى المستقبل وهي حب تعلم مواضيع جديدة ومختلفة وتتميز بيها عن الاخرين بحيث احس صارت ثورة بداخلي من التغيير لتعلم اهواي شغلات غير القراءة مثل الرسم وتعلم لغة جديدة وتعلم تطبيقات جديدة تفيدني بعالم الالكترونيات .
_ بكل لحظة من لحظات هالتحدي تمر عليه احس بمشاعر حماس وشغف وتحدي ونشوة بتحيق فد شي او انو مقدم فد شي ينفعني وكلها بغض النظر عن الدين والطائفة والقومية.
_بصراحة ... ههههههه اللي تفاجئت بيه حيفاجئكم ههههه انو شلون كدرت اوصل واستمر من بداية هالمشروع ( التحدي ) لهلمرحلة ..! رغم الصعوبات اللي عدنا بالعراق من قلة تجهيز للكهرباء وضعف بالانترنيت ورغم دراستي والتزامات العمل والبيت .
_ اكيد اكيد باقين ومستمرين على نفس الهدف ومو بس هاي لازم نرفع سقف طموحنا ونزود روزنامة اهدافنه ع المسقبل بأذن الله .
_ بالنسبة للخطة باقية من حيث المظمون والجوهر مع اضافات فنية ع الشكل.
_ كلش واثق من تحقيق اهدافي من خلال هالتحدي لان المشروع كلش حلو وكلش يساعد الانسان انو يثق بنفسه وشغله وكتحصيل حاصل بنجاحة .
_ بعد ما اكمل هدفي والتحدي اللي دا اشتغل عليه اكيد ارسم في بالي فد اهداف جديدة ومختلفة ومتطورة اكثر .. اهم شي ارفع سقف طموحي من هالأهداف .
الاشياء يلي ممتن منها...
١_ممتن للغالي مرتضى الي خلاني احقق اشياء هوايه
٢_ممتن للجهد يلي بذلته ووصلني الى مرحله مهمه جدا.
